中秋到 一起来听听以前上海人吃月饼的趣事！

中秋佳节到啦~~~小侬昨天接到一朋友电话，他问我，“有两张阅兵票侬要伐？”我心想，噢哟，蛮老嘎额吗！阅兵票也能弄得到？连忙讲：“要要要！”接下来，他问“你要豆沙的还是要蛋黄的？”……我当场厥倒！

哈哈哈哈~月饼是中秋佳节的传统美食每年这个时候月饼都是毫无疑问的“当红流量”“咸党”和“甜党”之争必然要大战三百回合~广式、苏式哪个更好吃？也是永不过时的热门话题！

而五仁月饼依然年年被吐槽永远遭“嫌弃”……五仁：我太难了！如今好吃的美味太多啦月饼也渐渐不受宠了但是侬晓得伐？月饼以前可算是“奢侈品”呢！被称为“王小毛之父”的葛明铭老师，就用上海话写作并朗读了一则吃月饼的故事。原来以前的小朋友吃月饼，还有这么多趣事呀！↓↓↓有人讲（有人说）每年中秋节，屋里（okli〈名〉家里）总归（zonggue〈副〉老，总，总是）有眼月饼会得吃勿脱（吃不掉），最后呢发霉了，只好厾脱（doktek〈动〉丢掉），真个是蛮浪费个。阿拉小辰光（我们小时候），吃月饼是一年里向难得个享受，月饼个品种也是比较单调个，金腿啊，百果啊，豆沙啊，椒盐啊，叫老四样，但就是搿能样（这样）单调个几个品种，还勿能吃全。老底仔（laodizy〈名〉过去，从前）普通人家，月饼勿大有人送个，大多数侪（she〈副〉全，都）是自家（shyga〈代〉自己）买个，屋里条件推扳（’tebe①〈动〉相差②〈形〉差，差劲）呢，就勿买盒头装个，买散装个，买散装个呢又总归拣顶便宜个买，乃末（nemek〈连〉于是）椒盐跟豆沙啊顶便宜，所以阿拉姆妈（我的妈妈）呢多数侪是买迭个（这个）两个品种。其实豆沙呢我倒并勿讨厌，顶（最）讨厌就是椒盐了，我勿欢喜搿种甜勿甜咸勿咸个味道（我不喜欢这种甜不甜咸不咸的味道），所以每年中秋节看到隔壁人家小囡辣辣（小孩在）吃金腿月饼啊，吃百果月饼啊，我馋是馋得勿得了。有一年，有个亲眷辣中秋节前头到阿拉家里来白相（我们家里来玩），带来一盒月饼，阿拉七个兄弟姐妹啊喔唷兴奋得勿得了啊！开心啊！但心里向呢就巴望迭个亲眷（亲戚）早点走，等伊（他）走了以后阿拉就好分月饼了。终于等到亲眷走了，打开月饼盒子一看嘛，叫啥（jiaosa 〈副〉居然，竟然）大家侪勿认得迭个是啥个品种个月饼，为啥呢（为什么呢）？因为迭个勿是（这个不是）广式月饼，是苏式月饼，广式月饼是用模子上压出来个，啥月饼个名称上头压得是清清爽爽。而苏式月饼个名称呢是用红图章敲上去个，皮子呢是一层一层油酥个，稍微勿当心啊就要淅力索落（粒状东西掉落下来发出的轻微声音）落下来个，乃末作兴（zokxin〈副〉也许，可能）亲眷个迭盒月饼呢也勿是伊自家买个，伊也是二传手，三传手了。迭点月饼一路浪向也邪气（xhiaqi〈副〉很，非常）辛苦了，颠法颠法，颠到阿拉家里啊迭点皮子侪脱下来了，上头敲过个红图章根本就看勿清爽，分勿清张三李四王五赵六了。迭个辰光阿拉姆妈走过来，小鬼头，侪馋了是吗？啊？好好分月饼分月饼，来来来，一人一只啊！我分到一只月饼，心里想顶好么是金腿，当然假使是百果呢运道也算蛮好，我拿起月饼，一口咬下去，叫啥甜勿甜咸勿咸个，竟然就是我顶勿欢喜吃个椒盐。看看阿哥阿姐分到个勿是金腿就是百果。等到阿哥阿姐吃好走开了，姆妈偷畔（子）（ ’toubhoezy偷偷地，暗地里）拿我拉到边浪向（边上），诺，弟弟啊，还有一只噢，姆妈勿吃，让侬吃，勿要拨阿姐阿哥晓得哦（不要让姐姐哥哥知道哦）。我拿月饼朝袋袋里向一塞，噔噔噔噔跑到弄堂笃底（dokdi①〈名〉最里面。②〈名〉最底部），拿迭只月饼袋袋里拿出来，四面望望呒没（hhmmek 没有）人，一口咬下去，叫啥（jiaosa 〈副〉居然，竟然）仍旧是我顶勿喜欢个甜勿甜咸勿咸个椒盐月饼啦！后来兄弟姐妹呢侪长大了，也聪明一眼了，想出办法来了，每趟（每次）吃月饼啊，勿管是苏式月饼还是广式月饼，每一只切成八份，大家分享，搿能呢就可以几种品种侪吃到。回忆小辰光吃月饼真是五味杂陈啊，既吃出甜蜜也吃出了苦涩，但是阿拉迭一代人就是从甘苦当中成长起来个！中秋佳节，听听老底子上海人吃月饼的故事，真是太扎劲了！其实阿拉吃月饼，吃的是节日的氛围，是传统文化的仪式感，是阖家团圆的吉祥寓意。小侬祝所有朋友们，团团圆圆过佳节~~也欢迎留言说说你和月饼的趣事哦！